Sigurður Grímsson (1896–1975). Einkaskjalasafn. Lbs 2019/60.

Sigurður Grímsson (20. apríl 1896 – 10. febrúar 1975) lögfræðingur, rithöfundur og gagnrýnandi fæddist á Ísafirði árið 1896. Foreldrar hans voru Grímur Jónsson skólastjóri og Ingveldur Guðmundsdóttir. Sigurður kvæntist Láru Jónsdóttur árið 1932.

Sigurður lauk stúdentsprófi frá Menntaskólanum í Reykjavík árið 1917 og embættisprófi frá Háskóla Íslands í lögfræði árið 1925. Hann var m.a. starfsmaður hjá Sjóvátryggingarfélagi Íslands, málaflutningamaður í Reykjavík á árunum 1926–1935 og fulltrúi borgarfógeta lengi vel. Einnig var hann blaðamaður við Þjóðstefnu árin 1916–1917 og Alþýðublaðið eftir lögfræðipróf sitt og árið 1943 hóf hann störf hjá Morgunblaðinu sem leiklistargagnrýnandi og gegndi því starfi í um 20 ár. Jafnframt var hann afkastamikill rithöfundur, greinahöfundur, þýðandi og fyrsti formaður Félags leikdómenda.

Heimildir:
Guðrún Egilsson, „„Mér fannst ég finna til“ 3. hluti“, Morgunblaðið 25. ágúst 1974, bls. 2–4.
„Sigurður Grímsson látinn“, Morgunblaðið 11. febrúar 1975, bls. 2 og 35.