Leikminjasafn Íslands á orðið mikið og fjölbreytt safn muna, gagna og heimilda um íslenska leiklistarsögu. Stór hluti þess eru einkasöfn, þ.e. gögn sem einstakir listamenn eða ættingjar þeirra hafa haldið saman um starf sitt og feril. Á þeim fáu árum, sem safnið hefur starfað, hefur það þannig eignast fjölda gagna og gripa frá ýmsum fremstu listamönnum íslensks leikhúss á síðustu öld. Þá á safnið ýmis gögn frá sjálfstæðum leikhópum, s.s. Grímu og Alþýðuleikhúsinu.
Hér verður sagt stuttlega frá nokkrum helstu söfnum sem safnið hefur eignast. Þar sem safnið er enn mjög fáliðað hefur það ekki náð að skrá nákvæmlega nema lítinn hluta gagnanna. Úr því verður þó bætt í framtíðinni eftir því sem safninu vex fiskur um hrygg.
Þegar staða safnsins er metin verður að hafa í huga að engin heildarsöfnun íslenskra leikminja fór fram áður en það var stofnað. Stefnan hefur því verið sú að bjarga sem mestu frá glötun af því sem talið hefur verið í ófullnægjandi varðveislu, en láta ítarlega flokkun og skráningu bíða betri tíma. Sömuleiðis hafa miklir kraftar farið í sýningahald og kynningu á málstað og markmiðum safnsins gagnvart almenningi.
Haustið 2005 barst Leikminjasafni Íslands í hendur stór og mikil gjöf frá Þjóðleikhúsnu: þrjú ljósaborð, ljósdeyfar, stýrikerfi og kastarar.
Safnið inniheldur ýmis gögn um feril Haraldar en sonarsonur hans, Stefáni Jónsson, leikari og leikstjóri afhenti það
Gunnar var aðalleikmyndateiknari Þjóðleikhússins á sjöunda og áttunda áratugnum og færðu börn hans Leikminjasafninu allt safn hans
Leikarahjónin Alfred Andrésson og Inga Þórðardóttir voru áhugasamir safnarar. Gefandi var Laila dóttir þeirra
Brynjólfur starfaði lengi með LR og lét eftir sig ýmist efni en Þór Tulinius dóttursonur hans sá um afhendingu safnsins
Guðbjörg lék með LR og í Þjóðleikhúsinu og eftir andlát hennar afhenti Rósa Eggertsdóttir muni úr fórum hennar
Efni safnsins eru mest einkaskjöl, handrit, leikskrár og ljósmyndir og kom sonur hennar Guðlaugur Hjörleifsson því til Leikminjasafnsins
Eftir andlát Áróru rann safn hennar til LR en það hefur nú verið afhent Leikminjasafninu til varðveislu
Börn Indriða þau Hákon og Kristín Waage færðu safninu ýmis gögn sem tengdust ferli hans þegar aldarafmælis Indriða var minnst
Afkomendur Gísla Jónssonar bróður Guðmundar afhentu vorið 2004 frumhandrit af þremur helstu leikverkum Kambans
Lárus Ingólfsson var leikmynda og búningateiknari hjá LR og Þjóðleikhúsinu. Teikningin er frá uppfærslu Íslandsklukkunnar
Leikstjórnarhandrit eru meginuppistaðan í safni sem ekkja Klemenzar, Guðrún Guðmundsdóttir gaf
Teikningin er eftir Steinþór Sigurðsson sem hefur verið einn helsti leikmyndateiknari okkar um árabil
Þetta safn er gjöf frá erfingjum Geirs Borg og var afhent við opnun sérstakrar sýningar í Þjóðminjasafni
Myndin er frá uppsetningu Gerd Grieg á Veislunni á Sólhaugum og er eftir Ferdinand Finne, þekktan norskan leikmyndateiknara
Í safni Helga Skúlasonar og Helgu Bachmann eru m.a. ljósmyndir og handrit auk gagna frá Hallgrími föður Helgu
Lothar Grund var þýskur leikmyndateiknari sem starfaði m.a. við Þjóðleikhúsið og eru teikningar hans meðal kjörgripa safnsins
Leikmynd Magnúsar Pálssonar leikmyndahönnuðar og myndlistarmanns úr Marmara eftir Guðmund Kamban
Ýmis gögn m.a. ljósmyndir, leikskrár og plaköt frá tilraunaleikhúsinu Grímu sem starfaði í Reykjavík á árunum 1962 til 1970
Sminkkassi Arndísar Björnsdóttur barst Leikminjasafni sem gjöf frá Herdísi Þorvaldsdóttur leikkonu, en Arndís gaf henni kassann
Alþýðuleikhúsið var stofnað 1975 og hafa Sigrún Valbergsdóttir, Arnar Jónsson og Þórhildur Þorleifsdóttir afhent safninu ýmis gögn þess
Þessi kistill var gerður sérstaklega fyrir sýningu Leiksmiðjunnar á Galdra-Lofti Jóhanns Sigurjónssonar.
Í safni Sveins eru m.a. gögn um íslenska leiklistarsögu, handrit, leikskrár og ýmsar leikminjar
